كلنا مجاريح

[center][b][font=Arial Black][size=21][color=#4b0082]ما عادتش العيون صافيه
ما عادتش القلوب دافيه
أيام الصبا..راحت
ألآم كالوبا..طالت
وضحكة شفايفنا
غاصت فينا
ما عُدنا شايفين
غير الضلمه ف ليالينا
*
الليل طويل
والحمل تقيل
الجسم عليل
وفجرنا
ما بيان له دليل
كلنا مجاريح
من غير تفاريح
عايشين
سايرين
وهمومنا بقلوبنا تطيح
*
الكل خايف
من قدرُه
ولا حد عارف
بكره
ح يكون ايه قدرُه
يمكن
من المُراللي داقوه
يمكن
من الجرح اللي إتجرحوه
خايفين
من بكره يقابلوه
ما حد بيحس بغيره
كل واحد كاره غيره
و ما عدش طايق أخوه

ما تبكي يا عين
ليه مش راضيه تبكي
حبستي الدمع
لحد ما سخنتي[/color][/size][/font][/b][/center]