بعض الامثال الشعبية

**jerry and tom** السبت يناير 16, 2010 2:19 am

اخوانى الاعزاء
السلام عليكم ورحمة الله وبركاته
اليكم مجموعة من الامثال الشعبية المصرية
ويا ريت اللى عنده مثل مش موجود
يضيفه هنا
عشان نقدر نقول موسوعة
للامثال الشعبية المصرية
*****************

ما تبكوش على اللى خابت زرعته ابكو على اللى خابت ذريته

يخلق من الشبه أربعين

ما يجيبها إلا رجالها

ما جمع إلا لما وفق

ما حدش ييجى من الغرب يسر القلب

ما حدش يقول يا غوله عينك حمرا

ما ضيق الزريبة إلا على الحمارة الغريبة

يقتل القتيل و يمشى فى جنازته

ما شتمك إلا اللى بلغك

ما قدرش على الحمار بيتشطر على البردعة

المال السايب يعلم السرقة

مال الكنزى للنزهى

ينفات لكم بلاد

يوديك البحر و يجيبك عطشان

يا نحلة ما تقرصينى و لا عايزة عسل منك

يا ما فى الحبس مظاليم

ياما تحت السواهى دواهى

يا فرعون ايش فرعنك ؟ قال : ما لاقتش حد يردنى

يا طابت يا اتنين عور

يا داخل بين البصلة و قشرتها ما ينوبك إلا ريحتها

يا بخت من نفع و استنفع

هو دخول الحمام زى خروجه

هو بعد حرق الجرن جيرة

نواية تسند الزير

نص العمى و لا العمى كله

المية تكدب الغطاس

من عاير ابتلى

اكفى الادرة على فمها تطلع البنت لأمها

لا تذم ولا تشكر الا بعد سنة وست اشهر

افتكر لك ايه يا بصلة غير كل قطمة بدمعة

عشمتنى بالحلق خرمت انا ودانى

لو كان فيه خير ما كانش رماه الطير

صباح الخير يا جارى انت فى حالك وانا فى حالى

ابن الوز عوام

مسير الحى يتلاقى

ميّه من تحت تبن

جحا أولى بلحم ثوره

الغربال الجديد له شدّة

طلع من المولد بلا حمص

تيجى مع الهبل دوبل

حمارتك العرجة تغنيك عن سؤال اللئيم

على قد لحافك مد رجليك

دارى على شمعتك تقيد

جت الحزينة تفرح ما لقيتلهاش مطرح

ادى العيش لخبازه

اللى سبق . . . أكل النبأ

زى القرع يمد لبره

ياما دقت على الراس طبول

ما بيتبلش فى بقه فولة

أنضف من الصينى بعد غسيله