تـعـالى نقـلب الحـزن فـرح ..!

**غدآ تتفتح الزهور** الجمعة يناير 21, 2011 11:50 am

مش عارف ليه الناس كلها
بقت زعلانه و حزينه

ليه كل التوبيكات بقت عن الحزن و الالام و الوداع و الفراق و الموت و الغدر
ايه المود اللى انتوا عايشين فيه ده

بذمتكم ده حال الشباب
ده حال حد عنده 50 سنه

هى الدنيا مستاهله منكم كل ده
اومال لو كبرنا شويه حتعملوا ايه ؟

ده كل يوم بيعدى
بيضيع من عمرك
راح و عدى على الفاضى

عارف انك
اللى بتقرر انك تبقى فرحان او زعلان

انت اللى بتقرر
المود بتاعك انهارده

طيب فرضنا
انك عندك مشاكل و حاجات مضايقاك
طيب حاول كده معايا

غمض عنيك
و فكر فى كلمه حلوه اتقالتك
فكر فى حضن امك
فكر فى يوم نجاحك
فكر فى يوم كنت فيه مع حبيبك
فكر فى نزوله مع صحابك
فكر و انت فى انفايت و عمال تضحك من قلبك

فكر فى كل حاجه حلوه عدت عليك
و اضحك بقى محدش واخد منها حاجه
يا رب اكون قدرت بجد اساعدكم