عذبــــــتـــــنـــــــي

عذبتني ياكل عمري ابغرابه
من دون ماتعطف عليه وترحم
منهو قدر ينسيك ياقو مابه
خلاك تجفاني وتقسى وتظلم
وانا الذي ذايب بحبك صبابه
عايش حياتي تحت امرك وتعلم
مهما تحاول ما تلاقي اجابه
كافي عنادك إلتفت ليّه واحكم
ناظر عيوني تلتقي بك كتابه
تمشي مشاويرك قصيدة وتزهم
مقدر أواجه صرختي في رتابه
ولّا أخلي لهفتي لين تهرم
بحطن عذابي وابتسم للغلابه
واجلس أبرهن للعواذل بتندم
وامضي أسافر في عيونك وجابه
موسم ظنوني في تضاريس مغرم
خلني أضمك بين أرضي سحابه
واسقي ديارك من حضورك ونحلم